Server i dedikuar, VPS apo colocation? Si të zgjidhni në Shqipëri
Regjistrari më i madh Shqiptar.

Të tri zgjidhjet e vendosin aplikacionin tuaj në një datacenter, por ndryshojnë në atë që zotëroni, sa kontroll keni dhe sa paguani. Ky udhëzues ju ndihmon të zgjidhni, me shembuj nga datacenteri ynë në Tiranë.
Me pak fjalë
| VPS | Server i dedikuar | Colocation | |
|---|---|---|---|
| Hardueri | I ndarë me klientë të tjerë (i virtualizuar) | I gjithi për ju | I juaji, e sillni vetë |
| Kush e mirëmban harduerin | Host.al | Host.al | Ju (ne japim hapësirë, energji dhe rrjet) |
| Fuqia | Nga 1 deri në disa bërthama | Dhjetëra bërthama, RAM dhe disqe të plota | Sa të doni |
| Aktivizimi | Brenda minutave | Zakonisht brenda ditës | Sapo sillni serverin |
| Çmimi në Tiranë (nëntor 2026) | Nga €2.95/muaj në planin vjetor | Nga €69/muaj | Nga €59.80/muaj për 1U |
Zgjidhni një VPS kur…
- faqja ose aplikacioni juaj ka trafik të vogël ose mesatar;
- doni të filloni shpejt dhe të paguani pak;
- ju duhet fleksibilitet për të rritur RAM-in ose diskun më vonë;
- doni të shpallni ASN-në tuaj: sesioni BGP është falas me çdo VPS.
VPS-të në Tiranë funksionojnë në harduer Dell dhe HP në datacenterin tonë. Për më shumë fuqi për bërthamë, shihni VPS me AMD EPYC.
Zgjidhni një server të dedikuar kur…
- bazat e të dhënave ose aplikacioni kanë nevojë për performancë të qëndrueshme, pa “fqinjë” në të njëjtin harduer;
- ju duhen shumë bërthama, shumë RAM ose disqe të mëdha;
- kërkesat e sigurisë ose të auditimit kërkojnë harduer vetëm për ju;
- doni akses të plotë, me IPMI ose iDRAC për konsolën dhe riinstalimin.
Serverat tanë të dedikuar në Tiranë janë Dell PowerEdge, me porte deri në 10 Gbps. Para se të zgjidhni, lexoni 7 gjëra që duhet të kontrolloni.
Zgjidhni colocation kur…
- keni tashmë serverat tuaj dhe doni t’i vendosni në një datacenter profesional;
- ju duhet hardueri juaj specifik (firewall, storage, pajisje rrjeti);
- doni kontroll të plotë mbi harduerin, por pa ndërtuar dhomën tuaj të serverave.
Në colocation në Tiranë merrni hapësirë në rack, energji të dyfishtë A+B dhe disponueshmëri rrjeti 99.99%, nga 1U deri në një rack të plotë 42U.
Po vendndodhja?
Të tria shërbimet i ofrojmë në Tiranë, në rrjetin tonë AS213683 me peering në ANIX, pra me rrugën më të shkurtër drejt përdoruesve në Shqipëri. Nëse përdoruesit tuaj janë kryesisht jashtë vendit, kemi edhe servera në Shkup, Selanik, Gjermani dhe SHBA.
Ende nuk jeni të sigurt?
Shumë klientë fillojnë me një VPS dhe kalojnë te një server i dedikuar kur rriten. Na shkruani te kontakti me sa përdorues keni dhe çfarë aplikacioni drejtoni, dhe ju propozojmë zgjidhjen më të përshtatshme.
Përmirësoni biznesin tuaj me Host.al
Postet e rekomanduar
Host.al ka krijuar peering direkt me Cloudflare, duke ofruar latence nen 1 milisekonde drejt nje prej rrjeteve me te medha ne bote – per cdo klient ne rrjetin tone...
Kur zgjidhni një ofrues hostimi, dy faktorët më të rëndësishëm janë çmimi dhe performanca ...

