Si të regjistroni një domain .al – udhëzuesi 2026

Domaini .al është domaini kombëtar i Shqipërisë. Ai u tregon vizitorëve që biznesi, projekti ose marka juaj i përket tregut shqiptar, dhe është i shkurtër e i lehtë për t’u mbajtur mend. Ky udhëzues shpjegon kush mund ta regjistrojë, çfarë ju duhet, sa zgjat dhe sa kushton.

Host.al është regjistrar i akredituar nga AKEP dhe ICANN dhe menaxhon afro 16,000 domaine .al, më shumë se çdo regjistrar tjetër.

Kush mund të regjistrojë një domain .al?

Kushdo. Individë dhe kompani nga çdo shtet mund të regjistrojnë një domain .al. Nuk ju duhet adresë në Shqipëri, kompani shqiptare ose përfaqësues lokal.

Për domainet e nivelit të dytë rregullat janë ndryshe:

Domaini	Kush mund ta regjistrojë
.al	Kushdo, nga çdo shtet
.com.al	Kompanitë e regjistruara në Shqipëri, ose markat e huaja përmes prezencës lokale falas të Host.al
.net.al	Kompanitë e rrjeteve dhe internetit të regjistruara në Shqipëri
.org.al	Organizatat joqeveritare të regjistruara në Shqipëri
.edu.al	Institucionet arsimore të regjistruara në Shqipëri
.gov.al, .mil.al	Të rezervuara për institucionet shtetërore dhe ushtrinë; regjistrarët nuk i regjistrojnë

Nëse jeni kompani e huaj dhe doni .com.al për të mbrojtur markën tuaj, lexoni .com.al për kompanitë e huaja.

Çfarë ju duhet për regjistrimin

Regjistri, AKEP, kërkon të dhëna kontakti të sakta për çdo domain. Gjatë regjistrimit jepni:

Individët: emrin e plotë, numrin e kartës së identitetit ose pasaportës, adresën, telefonin dhe emailin.
Kompanitë: emrin e kompanisë, NIPT-in, adresën, telefonin dhe emailin.

Lista e plotë e fushave është te cilat dokumente duhen për një domain .al.

Hap pas hapi

Kërkoni emrin. Përdorni kërkimin e domainit për të parë nëse emri .al që doni është i lirë.
Zgjidhni periudhën. Një domain .al mund të regjistrohet nga 1 deri në 10 vjet. Periudhat më të gjata kushtojnë më pak për vit.
Plotësoni të dhënat e regjistruesit. Përdorni të dhënat e vërteta të personit ose kompanisë që do ta zotërojë domainin. Regjistri i kontrollon.
Paguani. Sistemi ynë e dërgon kërkesën te AKEP sapo konfirmohet pagesa.
Prisni miratimin. Ju njoftojmë me email kur AKEP e miraton domainin.

Sa zgjat?

Shumica e domaineve .al miratohen brenda 24 orëve. AKEP mund të marrë deri në 3 ditë pune, sepse kontrollon që të dhënat janë të plota dhe që emri nuk është i rezervuar, i ndaluar ose markë e mbrojtur. Më shumë te sa zgjat regjistrimi i një domain .al.

Nëse AKEP e refuzon emrin, paratë ju kthehen si rimbursim ose si kredit në llogari.

Sa kushton një domain .al?

Te Host.al një domain .al kushton €12.99 për një vit (nëntor 2026), dhe regjistrimi për 2 ose 3 vjet e ul çmimin për vit. Transferimi i një domaini .al te Host.al është falas. Çmimet aktuale për .al dhe çdo domain të nivelit të dytë janë te faqja e domaineve .al.

Rinovimi dhe transferimi

Një domain .al mund të rinovohet deri në 9 vjet njëherësh.
Aktivizoni rinovimin automatik te my.host.al që domaini të mos skadojë pa dashje.
Për ta sjellë një domain .al te Host.al nga një regjistrar tjetër, ndiqni transferimin e domainit.

Pse ta regjistroni .al te Host.al

I akredituar nga AKEP dhe ICANN, me afro 16,000 domaine .al në menaxhim.
Prezencë lokale falas për markat e huaja që duan .com.al.
DNS falas dhe suport 24/7 në shqip dhe anglisht.
Hosting në Tiranë: faqja juaj mund të qëndrojë në datacenterin tonë, pranë vizitorëve tuaj shqiptarë.

Regjistroni domainin tuaj .al